پاپاق(اوشاق ناغیلی)

یازار:سید رضا حسینی

آیلارین پاپاقی ایتمیشدی.بئله ایش اولار؟- دئیه آناسی اللرینی اؤلچوردو.- یاریمجا ساآت بوندان اؤنجه پاپاق باشیندا ایدی.آخی نئجه اولدو؟- بیلیرسن بو پاپاق نئچه یه دیر؟اوتوز مین تومنه!باشا دوشدون؟هاردان باشا دوشسسن آخی،پولو سن قازانمیرسان كی!

بیر آزدان سس- كوی یاتدی.آنا ائوه گیردی.آیلار حیطه گئتدی.آنانین قولاغینا سس گلدی.باخیب گؤردو كی آیلاردی،كیمینلسه دانیشیر.یاواشجا پنجره نی آچیب قولاق آسدی.آیلار دئییردی:- هئچ بیلیرسینیز بو پاپاغین قییمتی نئچه یه دیر؟اوتوز مین تومنه!باشا دوشدونوز؟هاردان باشا دوشسسن؟!آنا حیطه دوشدو.نه گؤرسه یاخشیدیر؟پاپاغین ایچینده ایكی بالاجا پیشیك بوزوشموشدو و ساكیتجه اوزانمیشدی.هر شئی آیدینییدی.آیلار آناسینی گؤرنده چاشدی.قورخدو كی،آناسی اونو دانلایار.آنجاق آنا بیر سؤز دئمه دی.تكجه گولومسوندو...

سون